Клиника за психијатрија: Над 40 проценти од граѓаните имаат проблеми со сонот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Клиника за психијатрија: Над 40 проценти од граѓаните имаат проблеми со сонот

07 март 2026

• од Станча Јаќимовски

Повеќе од 40 проценти од граѓаните во земјава се соочиле со проблеми со спиењето во последните три месеци, покажува анкета спроведена од Универзитетската клиника за психијатрија. Резултатите укажуваат на загрижувачки тренд на нарушен квалитет на сон кај значителен дел од населението.

Истражувањето открива дека користењето електронски уреди непосредно пред спиење е широко распространета навика. Речиси 70 проценти од испитаниците признале дека користат телефон, таблет или друг екран непосредно пред да заспијат. Според експертите, ваквата практика може значително да го наруши квалитетот на сонот, бидејќи светлината од екраните го стимулира мозокот и го отежнува заспивањето.

Дополнително, податоците покажуваат дека поголемиот дел од граѓаните спијат помеѓу пет и седум часа во текот на ноќта. Само околу една четвртина од анкетираните изјавиле дека спијат во рамките на препорачаните седум до девет часа, што според здравствените препораки се смета за оптимално времетраење на сон за возрасни лица.

Од Клиниката за психијатрија потсетуваат дека квалитетниот сон има клучна улога за менталното и физичкото здравје. Доволниот одмор придонесува за подобра концентрација, стабилно расположение и посилен имунитет.

По повод Европскиот месец на спиењето, од Клиниката испраќаат порака до јавноста: „Спиј добро, живеј подобро“, нагласувајќи ја важноста од здрави навики за сон како дел од секојдневната грижа за здравјето.