Ковачев: Северна Македонија сама се блокира за ЕУ, случајот со Ива Михаилова е драстичен пример за односите со Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ковачев: Северна Македонија сама се блокира за ЕУ, случајот со Ива Михаилова е драстичен пример за односите со Бугарија

05 октомври 2026

• од Гоце Кически

Бугарскиот европратеник Андреј Ковачев, во интервју за прес-центарот на европратениците од ГЕРБ/ЕНП, изјави дека Северна Македонија сама го блокира својот напредок кон Европската Унија со неизвршувањето на преземените обврски, меѓу кои и внесувањето на Бугарите во Уставот. Во истото обраќање тој значително внимание посвети и на случајот со Ива Михаилова, за кој изнесе сериозни обвинувања кон македонските институции.

Ковачев го опиша случајот со Ива Михаилова како „драстичен“ и дека девојката, која е изложена на ризик од инвалидитет, не добила соодветно лекување. Тој оцени дека здравствената состојба на едно лице не смее да биде поврзувана со политичките спорови меѓу Северна Македонија и Бугарија.

Главната порака на бугарскиот европратеник беше дека продолжувањето на европските преговори зависи од властите во Скопје. Според него, Северна Македонија „сама се блокира“ со тоа што не ги исполнува обврските што претходно ги презела, а ваквата политика, како што рече, е спротивна на интересите на граѓаните и ја изолира земјата.

Ковачев зборуваше и за политичките односи на премиерот Христијан Мицкоски со Виктор Орбан и Александар Вучиќ, оценувајќи дека тој сојуз се распаѓа. Во тој контекст изнесе и тврдење дека новите унгарски власти испитуваат каде завршиле околу половина милијарда евра што, според него, претходната влада во Будимпешта ги насочила кон Северна Македонија.

Тој дополнително тврдеше дека дел од тие средства биле користени и за активности поврзани со, како што ја нарече, „антибугарска пропаганда“ во Скопје. Ковачев ги поврза овие обвинувања со пошироката атмосфера во македонско-бугарските односи, по што повторно го посочи случајот со Ива Михаилова како пример за проблем што, според него, ги надминува политичките несогласувања меѓу двете земји.