Љубчо Георгиевски: Со Албанците се разбирам подобро отколку со Македонците од српскиот свет

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љубчо Георгиевски: Со Албанците се разбирам подобро отколку со Македонците од српскиот свет

05 јуни 2026

• од Темелко Тошев

Поранешниот премиер и лидер на ВМРО-Народна партија, Љубчо Георгиевски, преку својот Фејсбук профил испрати силна политичка порака коментирајќи го последното интервју на лидерот на Алијанса за Албанците, Арбен Таравари. Георгиевски јавно сподели видео исечок од изјавата на Таравари, додавајќи дека по три децении независност на државата, политичките согледувања во земјата добиваат нова димензија.

По 35 години самостојност дојде време кога со Албанците подобро се разбирам отколку со Македонците од српскиот свет, напиша Георгиевски во својата објава на социјалните мрежи.

Повод за ваквата реакција на поранешниот премиер е изјавата на Арбен Таравари, кој отворено изрази огромна почит кон ликот и делото на Георгиевски, посочувајќи го како еден од политичарите кои најмногу ги цени во Македонија. Таравари истакна дека иако со Георгиевски се имаат видено само неколку пати на кратко, редовно ги следи неговите јавни настапи, анализи и ставови.

Кога ги слушам неговите изјави, тој е добар познавач на историјата и на збиднувањата во Македонија, како и на односите меѓу Бугарија и Македонија. Има убави анализи и јас многу често го слушам и тотално, потполно се согласувам со него, истакна Таравари во видеото.

Во продолжение на својата изјава, Таравари се осврна и на меѓуетничките односи и геополитичката ориентација на земјата, изнесувајќи тврдење дека албанскиот политички фактор е клучниот заштитник на проевропскиот курс на Македонија.

Јас дури реков малце понапред, имам впечаток дека Албанците ја сакаат оваа држава многу повеќе отколку Македонците и дефинитивно дека Албанците се таа бариера или препрека што не дозволуваат Македонија комплетно веќе да стане како Србија, заклучува Таравари во изјавата што предизвика реакција кај Георгиевски.