06 март 2026
• од Станча Јаќимовски
Педесет и петгодишен маж од Скопје бил лишен од слобода откако, според информациите на полицијата, со пиштол пукал кон својата сопруга и се заканувал на нивните ќерки, а едната од нив и физички ја нападнал.
Од Министерството за внатрешни работи информираат дека на 6 март 2026 година околу 00:40 часот, на подрачјето на Кисела Вода, полициски службеници од СВР Скопје го привеле Б.С. (55) од Скопје. Тој се сомничи дека со огнено оружје пукал кон неговата 48-годишна сопруга и упатувал закани кон нивните три ќерки на возраст од 26, 24 и 18 години.
Според пријавата, инцидентот се случил на 1 март 2026 година по претходна расправија во семејниот дом. Осомничениот испукал еден куршум од пиштол, кој завршил во прозорецот од куќата. Потоа се упатил кон своите 24- и 18-годишна ќерка, при што им се заканувал и физички ја нападнал 24-годишната.
Како што е наведено во пријавата, насилното однесување продолжило и неколку дена подоцна. На 5 март околу 22:30 часот, тој повторно со пиштол се заканувал на сопругата, но бил спречен од ќерките да го употреби оружјето.
Осомничениот е задржан во полициска станица, а по целосно документирање на случајот против него ќе биде поднесена соодветна кривична пријава.
Ненадминливи Понуди Дневно
4.8 (10276 рецензии)
Заштедете 152.00 ден

