Стојаноски призна: Прво разговор со Софија, ЕУ евентуално „понатаму“ да се вклучи подоцна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Стојаноски призна: Прво разговор со Софија, ЕУ евентуално „понатаму“ да се вклучи подоцна

05 октомври 2026

• од Гоце Кически

Пратеникот на ДПМНЕ, Бојан Стојаноски, вели дека Северна Македонија и Бугарија најпрво директно да разговараат во Софија, а претставник на Европската Унија евентуално „понатаму“ да се вклучи во подоцнежна фаза.

Стојаноски во емисијата „Колегиум“ на телевизија Алфа изјави дека македонската страна треба во Софија да ги претстави своите аргументи и „црвени линии“. Според него, дури потоа би можело да се размислува за трипартитен разговор со учество на претставник од Брисел.

„Понатаму многу рационално, дипломатски, тој дијалог да го направиме еден трипартитен разговор, каде што ќе присуствува и некој од Брисел“, рече Стојаноски.

Засега, сепак, нема јавно потврден договор за формат во кој Европската Унија би учествувала како трета страна во разговорите меѓу Скопје и Софија. И претседателката на Европската комисија, Урсула фон дер Лајен, при посетата на Скопје го советувала премиерот Христијан Мицкоски претстојната посета на министерот Тимчо Муцунски на Софија да се искористи за директна средба со бугарската страна.

Прашањето за уставните измени, пак, е дел од веќе договорената европска рамка. Северна Македонија во 2022 година презеде обврска во Уставот да ги вклучи и граѓаните кои се дел од други народи, меѓу кои и Бугарите.

Покрај уставните измени, европскиот процес подразбира и почитување и спроведување на Договорот за пријателство, добрососедство и соработка со Бугарија, заедно со придружните протоколи и преземените обврски што се дел од европската рамка.

Според одлуките на Советот на ЕУ, по исполнувањето на обврската за уставните измени следната меѓувладина конференција треба да биде свикана без дополнително одложување и без потреба од нова политичка одлука.

Тоа ги раздвојува двете прашања: европскиот процес продолжува според веќе утврдената рамка, која ги опфаќа уставните измени и почитувањето на преземените добрососедски обврски, додека останатите билатерални прашања меѓу Северна Македонија и Бугарија можат да се разгледуваат преку директен дијалог.

Засега, учеството на претставник од Брисел останува можност за подоцнежна фаза, а не договорен формат.