Три разводи, пресуди за насилство и 10 пријави: Како системот го пушти насилникот слободно да делува

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Три разводи, пресуди за насилство и 10 пријави: Како системот го пушти насилникот слободно да делува

04 март 2026

• од Станча Јаќимовски

Трагедијата во која Ивана го загуби животот заедно со својата малолетна ќерка открива низа алармантни факти за судската историја на нејзиниот сопруг Стојанче Јовановски – човек против кого со години постоеле пријави, постапки и пресуди за насилство. Наместо навремена реакција на институциите, случајот завршил со катастрофални последици.

Податоците од Граѓанскиот суд покажуваат дека брачниот пар водел дури три бракоразводни постапки, што јасно укажува на долгогодишна криза и нестабилност во бракот. Првата постапка за развод ја иницирала Ивана, но под неразјаснети околности ја повлекла тужбата. Останатите две постапки никогаш не биле затворени, а последната ја покренал самиот Јовановски.

Покрај разводите, Јовановски бил инволвиран и во два судски предмети во кои тужел и барал надомест на штета, што дополнително ја комплицира неговата правна историја. Но уште позагрижувачки се податоците за неговото насилно минато.

Министерот за внатрешни работи Панче Тошковски потврди дека против Јовановски имало дури 10 кривични пријави, а во судските регистри постојат две правосилни пресуди за насилство. Во првиот случај бил осуден за напад врз полицаец и добил парична казна од само 150 евра, казна која отвора сериозни прашања за тоа колку системот сериозно го третирал ваквото однесување. Во вториот случај бил условно казнет за насилство на спортски терени.

Најшокантниот дел од приказната се случил само два часа пред трагедијата. Ивана самата го пријавила сопругот во полиција, тврдејќи дека ја претепал. Нападот, според информациите, бил снимен од безбедносни камери – снимки што полицијата ги видела дури по трагедијата.

Според информации на „Слободен печат“, тепањето се случило зад Кривичниот суд. Сепак, институциите досега немаат дадено јасен одговор чии камери го снимиле нападот – дали тие на Кривичниот суд или на катната гаража зад објектот. Дополнително, постојат информации дека насилникот истиот ден бил кратко присутен во Кривичниот суд, но за тоа сè уште нема официјална потврда.

И покрај првичната пријава, кога полицијата пристигнала, Ивана се повлекла и им рекла на полицајците дека немало физички контакт. Само два часа подоцна се заклучила во стан во Тафталиџе и го направила најтрагичниот чекор – со себе го одзела и животот на својата ќерка Катја.

Овој случај отвора сериозни прашања: како лице со десет кривични пријави и пресуди за насилство продолжило слободно да функционира, и дали институциите навреме ги препознале сигналите за опасност. Наместо заштита на жртвата, системот повторно покажал дека реагира дури кога веќе е предоцна.