Денес 13 февриаро 2026 гдодина се празнуваат: Светите Кир и Јован

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес 13 февриаро 2026 гдодина се празнуваат: Светите Кир и Јован – бесребреници и чудотворци

13 февруари 2026

• од Станча Јаќимовски

Православната Црква денес ги прославува Светите Кир и Јован, бесребреници и чудотворци, како и светата маченичка Атанасија со нејзините три ќерки. Овие светители не биле браќа по крв, но биле соединети во духот, верата и љубовта кон Христа, оставајќи силно сведоштво за пожртвуваност и духовна сила.

Лекарот Кир – исцелител на телото и душата

Свети Кир најпрво живеел во Александрија, каде што бил лекар. Тој ги лекувал луѓето не само со материјални лекови, туку и со силата на Христовата благодат. Како вистински христијански лекар, разбрал дека многу болести имаат корен во духовната состојба на човекот. Затоа ги советувал болните преку пост, покајание и очистување од гревовите да го обноват и своето телесно здравје.

За својата служба не примал надомест, поради што е вброен меѓу бесребрениците – светители кои бесплатно им служеле на луѓето, потпирајќи се исклучиво на Божјата помош.

Гонењето и монашкиот подвиг

Во времето на царот Диоклецијан започнало жестоко гонење на христијаните. За да го зачува својот живот и да продолжи со духовниот подвиг, Кир се повлекол во Арабија, каде што се замонашил. Но неговата слава како чудотворец и исцелител брзо се проширила, па многумина доаѓале кај него барајќи помош и утеха.

Братството со Јован

Во тоа време, Јован – римски офицер од Едеса – слушнал за подвигот и светоста на Кир. Поттикнат од верата, отпатувал во Арабија за да го запознае. Нивната средба била пресудна: се засакаа како родени браќа и одлучија заедно да му служат на Бога. Оттогаш, нивните животи стануваат неразделни, обединети во подвиг и сведоштво.

Мачеништвото на Атанасија и нејзините ќерки

Во градот Каноп, мачителите сурово ја измачувале христијанката Атанасија заедно со нејзините три млади ќерки:

Теоктиста (15 години),
Теодотија (13 години) и
Евдокија (11 години).

Кога Кир и Јован дознале за нивното страдање, веднаш заминале во Каноп за да ги охрабрат и утврдат во верата. Благодарение на нивните зборови и духовна поддршка, Атанасија и нејзините ќерки храбро ги поднеле маките и биле погубени заради својата вера во Христа.

Маченичка смрт и вечна слава

По овие настани, мачителите ги уапсиле и Кир и Јован. По долги измачувања и затвор, тие биле убиени со меч во 311 година. Со тоа го запечатиле своето сведоштво со крвта на мачеништвото.

Светите Кир и Јован извршиле безброј чуда и за време на животот и по својата смрт. Нивните мошти, во времето на царот Аркадиј, биле пренесени во Рим, каде што продолжиле да бидат извор на благослов и исцеление за верните.

Помош и застапништво

Верниците особено им се обраќаат:

при несоница,
при осветување на вода,
при Светата Тајна Маслосвет,
како и во разни телесни и душевни болести.

Нивниот пример останува сведоштво дека вистинското исцеление започнува од очистувањето на срцето, а вистинската љубов кон Бога се покажува преку жртва и верност до крај.