Каде се вардарците? Скромна посетеност на Арената за 79. роденден на најтрофејниот!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Каде се вардарците? Скромна посетеност на Арената за 79. роденден на најтрофејниот!

23 јули 2026

• од Темелко Тошев

Фудбалскиот клуб Вардар, македонската спортска гордост и синоним за фудбалот во нашата земја, денес го слави својот 79. роденден. Судбината посака токму на овој значаен датум „црвено-црните“ да излезат на европската сцена, играјќи го домашниот натпревар против летонска Рига во рамките на второто претколо од Конференциската лига на УЕФА.

Основан на 22 јули 1947 година, Вардар низ децениите испиша историја со која ретко кој може да се пофали. Како актуелен шампион и убедливо најтрофеен клуб во државата, се очекуваше овој роденденски натпревар да биде вистински празник на фудбалот во Скопје.

Но, наместо фудбалски спектакл, сликата од Националната арена „Тодор Проески“ остава горчлив вкус. И покрај славеничкиот ден и важноста на европскиот предизвик, трибините на нашиот најголем стадион се многу слабо пополнети.

Според првичните проценки, на Арената се присутни само околу 2.000 гледачи. Честа ја спасуваат најверните – навивачката група „Комити“, кои се собрани во еден блок и неуморно, со песна и поддршка, го одбележуваат роденденот на својата најголема љубов.

Сепак, делува дека за ваков натпревар, јавноста потфрли. Останува да лебди прашањето: Каде се останатите вардарци?

За клуб со вакво реноме, особено во момент кога се бранат боите на Македонија во Европа и се слават 79 години постоење, трибините мораа да бидат многу подобро исполнети. Најтрофејниот дефинитивно заслужува поголема почит, а роденденот многу помасовна и побогата публика која ќе му даде ветер во грб на македонскиот шампион.