КАЗНА ОД 20.000 ЕВРА: Фирма од Батинци фатена како фрла градежен шут во Долно Лисиче

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

КАЗНА ОД 20.000 ЕВРА: Фирма од Батинци фатена како фрла градежен шут во Долно Лисиче

11 мај 2026

• од Темелко Тошев

Општина Аеродром изрече драстична казна за загадување на животната средина. При вонреден инспекциски надзор, инспекторите затекнале камион на фирма од Батинци како незаконски одлага отпад на локација која не е предвидена за таа намена.

При вонреден инспекциски надзор во населбата Долно Лисиче, на локацијата позната како „Купишта“ (во близина на мостот на река Вардар), општинските служби затекнале камион со скопски регистарски таблички во сопственост на правното лице „ХСА-КОНСТРУКЦИОН ДООЕЛ“ од Батинци, Студеничани.

Прекршок на Законот за управување со отпад

Според записникот од инспекцискиот надзор извршен на 9 мај 2026 година, возилото било затечено како одлага отпад од градежништво и рушење, вклучително и ископана почва. Со ова, правниот субјект постапил спротивно на член 37 од Законот за управување со отпад, кој налага отпадот да се третира со должно внимание за да не се загрозува животната средина и здравјето на луѓето.

Врз основа на член 130 став 1 точка 3 од истиот закон, на компанијата и е издаден прекршочен платен налог со изречена глоба во висина од:

20.000 евра (во денарска противвредност).

Остра порака од Општина Аеродром

Од општината се децидни дека нема да има толеранција за оние кои ги прекршуваат законите и ја загадуваат околината.

„Општина Аеродром продолжува со засилени инспекциски контроли и нема да дозволи уништување на животната средина, загадување и создавање диви депонии на територијата на општината. Апелираме до сите граѓани и компании совесно да постапуваат со отпадот и да ги почитуваат законските прописи. За секое несовесно однесување ќе следуваат санкции“, порачаа од Општина Аеродром.

Видео доказ од градоначалникот

За овој случај неодамна се огласи и градоначалникот Дејан Митески, кој сподели видео објава од самиот настан, потенцирајќи ја посветеноста на локалната самоуправа во борбата против дивите депонии.

Доколку казната се плати во рок од осум дена, сторителот има можност да плати половина од изречената глоба. Во спротивно, инспекторатот ќе поднесе барање за поведување прекршочна постапка пред надлежниот суд.