11 мај 2026
• од Темелко Тошев
Од 4 мај официјално започна процесот за упис на идните првачиња во основните училишта во Општина Велес. Сепак, првичните бројки потврдуваат еден загрижувачки тренд – секоја година училишните клупи стануваат сè попразни поради иселувањето на младите семејства.
Според евиденцијата, годинава во велешко треба да се запишат 511 деца, што е за 45 помалку во споредба со минатата година. Овој пад е уште повидлив ако се погледнат податоците од претходната учебна година (2025/26), кога од предвидените 556 првачиња, во училиште тргнале само 476. Тоа значи дека дури 80 деца помалку од родените ја започнале наставата, главно поради преселби во други градови или во странство.
Уписите се вршат во седум основни училишта во општината (четири во градот и три во селата) и ќе траат до крајот на месец мај.
Верица Тодоровска-Дацева, раководител на одделението за јавни дејности при Општина Велес, објаснува дека рокот за објавување на резултатите е до 15 јуни. За комплетирање на пријавата, родителите треба да ја подготват следната документација:
„Се запишуваат деца со навршени шест години, а по барање на родителот, може да се запишат и деца родени до 31 јануари 2021 година“, додава Тодоровска-Дацева.
И оваа година продолжува примената на правилото за реонизација, што минатата година предизвика бурни реакции кај дел од родителите. Правилото налага детето да се запише во училиштето кое му припаѓа според адресата на живеење наведена во личната карта на родителот.
Исклучоци од ова правило се можни само во два случаи:
Здравствените институции веќе се максимално ангажирани за навремено издавање на потврдите.
Општината апелира до родителите навреме да ги завршат административните и здравствените обврски за децата да бидат подготвени за првиот училишен ѕвонец во септември.
Полицијата викендов не се штедела: Казнети над 1.400 возачи – уапсени 21 од нив
СДСМ: Мицкоски има уште само 20 дена до конечното разоткривање на неговите лаги
Ненадминливи Понуди Дневно
4.8 (10276 рецензии)
Заштедете 152.00 ден

