Состојба на патиштата – 03.05.2026: Сообраќајот се одвива непречено на државните патишта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Состојба на патиштата – 03.05.2026: Сообраќајот се одвива непречено на државните патишта

03 мај 2026

• од Станча Јаќимовски

Скопје, 3 мај 2026 – Според најновите информации од АМСМ, утринава во 06:00 часот сообраќајот на сите државни патишта во земјава се одвива непречено и без поголеми застои. Коловозите се суви, а условите за возење генерално поволни.

Интензитетот на сообраќај надвор од урбаните средини е умерен, додека на граничните премини, од македонска страна, не се бележат подолги задржувања ниту за влез, ниту за излез од државата.

Надлежните апелираат до возачите да ја прилагодат брзината според условите на патот, да ја почитуваат поставената сообраќајна сигнализација и да управуваат внимателно, особено на делниците низ котлини, речни долини и клисури. На овие места постои зголемен ризик од одрони, а како покритични се издвојуваат патните правци Катланово – Велес, Маврово – Дебар – Струга, Виница – Берово и Кочани – Делчево.

Од 15 април, патниот правец Охрид – Ресен преку националниот парк Галичица е повторно отворен за сообраќај за сите возила со маса до 3,5 тона, што претставува значително олеснување за локалниот и туристичкиот сообраќај.

Во тек се повеќе градежни активности на патната инфраструктура низ државата, поради што на одредени делници е воведен времен режим на сообраќај. Меѓу позначајните се санацијата на Ленишкиот мост на автопатот А1 кај Плетвар – Прилеп, работите на вијадукт на делницата Гостивар – Стража, како и реконструкции на мостови на автопатот А2 кај Желино.

Дополнително, на скопската обиколница (А2) се врши рехабилитација во близина на клучките Волково и Кондово, каде левата лента е затворена, а сообраќајот се пренасочува по останатите ленти.

Поради тековни активности поврзани со изградба на инфраструктурни проекти, како и санации на свлечишта и патни оштетувања, на повеќе регионални и магистрални патишта низ државата има девијации и изменет режим на движење. Особено внимание се препорачува на делницата Кичево – Охрид, каде сообраќајот се одвива со пренасочувања.

Воедно, остануваат на сила и временските ограничувања за движење низ подрачјето Јасен на релација Скопје – Македонски Брод и обратно, во строго утврдени термини во текот на денот.